其實有屋企人過身大家都唔開心，但係唔可以無理取鬧，鍾意投訴就投訴。唔好個個入院都以為醫生護士都係想你死，唔想幫你唔想醫你。係嘅話一早就唔收你入院啦！做咩要扮做檢查，扮抽血，姑娘扮Take Obs？咁樣做場戲都好辛苦姐！差Sum都要寫架！
新聞一路咁多年都講醫護人員壓力大，咁大家都體諒下，鬧少陣得唔得？傳媒唔該都節制D，唔好為增加讀者以炒作好唔好？
個cardiac monitor show asystole，護士檢查有無電線接駁問題，正正是正確的做法，亦即是Advanced Cardiac Life Support 入面教嘅Flat line protocol。
現在蘋果日報及退休護士話咁樣做有問題，咁我作為ACLS instructor 情何以堪呢？又點對得住我教過嘅醫生護士們。
第四權每日將啱嘅事講到變成錯嘅，對社會又有何裨益，除咗吸引讀者注意及引起話題之外，又點樣幫助家屬撫平傷痛？家屬明顯處於anger 同 displacement 的狀態，將內心的傷痛發洩在別人身上，為失去至親尋找一個攻擊目標。報紙不顧事實，火上加油的報導只會為病人家屬帶來更多更大傷害，遲遲未能接受家人自然離世，生老病死的事實。更甚的是這種報導煽動其他不知就裡的病人及家屬否定醫護人員的工作，為前線人員工作百上加斤，事事質疑、處處為難。結果受苦只會是市民大衆。
求各方傳媒人士行行好心，問問自己的良知，不要再作出這些傷害人、傷害社會的報導。
#寫口語突然變白話
#其實對腐爛不堪的人說教是否真的有希望
#醫學界及護理界應該聯合起來指責不實報導
Search